Регионалниот фонд за предизвици го објавува четвртиот повик за пријавување — Финансиска поддршка за зајакнување на вештините и зголемување на конкурентноста на бизнисите во Западен Балкан

Се повикуваат установите за стручно образование и обука и претпријатијата од Албанија, Босна и Херцеговина, Црна Гора, Косово, Северна Македонија и Србија да се пријават до 6 јуни, 2025 година

Регионалниот фонд за предизвици (РЦФ) официјално го објави четвртиот повик за изразување интерес, повикувајќи конзорциуми составени од установи за стручно образование и обука и претпријатија од сите шест економии на Западен Балкан да се пријават за финансиска поддршка насочена кон развој на вештини и зајакнување на конкурентноста на бизнисите во регионот.

Се охрабруваат установите за стручно образование и обука, во партнерство со најмалку три претпријатија да ги поднесат своите пријави најдоцна до 6 јуни 2025, година, 23:59 часот. Успешните проекти ќе добијат пристап до грантови наменети за инвестирање во современа опрема, подобрување на инфраструктурата и програми за учење преку работа.

Кој може да аплицира?

Се охрабруваат установите за стручно образование и обука, во партнерство со најмалку три претпријатија да ги поднесат своите пријави најдоцна до 6 јуни 2025, година, 23:59 часот. Успешните проекти ќе добијат пристап до грантови наменети за инвестирање во современа опрема, подобрување на инфраструктурата и програми за учење преку работа.

Подобни установи за стручно образование и обука кои можат да аплицираат се сите акредитирани или лиценцирани образовни установи кои нудат обуки – јавни или приватни, кои се активни најмалку две години во една од шесте економии на Западен Балкан. Партнерските претпријатија мора да бидат регистрирани деловни субјекти, јавни или приватни, и исто да бидат активни најмалку две години.

Дополнително, освен од главниот конзорциум, подготовката и реализацијата на проектот може да бидат поддржани од надворешни партнери, чии финансиски или материјални придонеси се признаваат како ко-финансирање. Пример за надворешни партнери се локалните општини, развојни агенции, професионални здруженија или други релевантни институции.

Обем на поддршка за финансирање

Подобните проекти можат да предложат како постоечки така и нови програми за обука — под услов новите програми да бидат акредитирани најдоцна шест месеци по одобрувањето на апликацијата и пред потпишувањето на договорот за финансирање. Конзорциумите за стручно образование и обука може да аплицираат за грантова поддршка за набавка на опрема и машини, реновирање и изведување останати градежни работи, подобрување на наставните програми и материјали, или за развој на капацитетите на наставниците и менторите во претпријатијата. Во случаи со просторни ограничувања, активностите за обука можат да се одржат и во изнајмени простории. Иако партнерските претпријатија учествувајќи во проектите добиваат подготвени учениции и обучен кадар, установите за стручно образование и обуки се примарните корисници на грантот и сопственици на сите средства финансирани од проектот.

Бараниот износ на финансирање од РЦФ треба да изнесува помеѓу 150.000 и 500.000 евра по проект. Исто така, сите конзорциуми за стручно образование и обука се обврзани да обезбедат сопствено учество од најмалку 10% од износот на бараниот грант.

44 милиони евра се веќе одвоени за развој на вештини во регионот

Од неговото воспоставување, РЦФ има добиено повеќе од 450 пријави и поддржано 99 проекти со приближно 44 милиони евра инвестиции во Албанија, Босна и Херцеговина, Црна Гора, Косово, Северна Македонија и Србија. Овие проекти допринесоа до модернизирани средини за учење, подобрени јавно-приватни партнерства и поинклузивен пристап до квалитетно стручно образование.

Нови алатки за размена на знаења: Лансирана платформата Net4VET

Net4VET е онлајн платформа за размена на знаења дизајнирана да поддржи соработка помеѓу понудувачите на стручно образование, претпријатијата и другите чинители вклучени во развојот на вештини ширум Западен Балкан. Платформата нуди пристап до најдобри практики, успешни приказни, иновативни модели на обука и ресурси поврзани со стручното образование и обука. Со поттикнување на регионалната соработка и размената на искуства, Net4VET придонесува за подобрување на квалитетот и релевантноста на практичното учење и помага да се премости јазот помеѓу образованието и потребите на пазарот на труд.

Потенцијалните кандидати се охрабруваат да ја истражат платформата Net4VET и да се запознаат со проектите кои се веќе финансирани, да откријат иновативни модели на соработка и да пристапат до ресурси поврзани со развој на човечкиот капитал во областа на стручното образование и обука во Западен Балкан 6.

Потребни ви се дополнителни информации за четвртиот повик за пријавување?

Посетете го делот Често поставувани прашања (FAQ) на веб-страницата овде.

Како да се пријавите

Конзорциумите на установите за стручно образование и обука и претпријатија можат да најдат детални информации за критериумите за подобност, процедурите за пријавување и упатствата за поднесување на следниот линк.